недела , 22 октомври 2017
Obama Roundtable On Impacts Of Climate Change On Public Health

Барак Обама ги смирува сојузниците по изборната победа на Трамп

Американскиот претседател Барак Обама ги смирува сојузниците на САД по изборната победа на Доналд Трамп, уверувајќи ги дека неговиот наследник ќе ги почитува меѓународните договори откако на 20 јануари ќе ја преземе функцијата.

Во разговор со американските новинари, Обама изјавил дека Трамп изразил голем интерес околу „силната поддршка што САД му ја даваат за НАТО“.

Во текот на предизборната кампања, Трамп зборуваше дека доколку биде избран може да се откаже од гаранциите за заштита на земјите членки на Северноатланската Алијанса.

Таквите најавиа на сега избраниот претседател ги исплашија земјите во Европа, посебно оние во балтичкиот регион кои стравуваат од можна агресија од Русија.

Според членот 5 од Договорот на НАТО, предвидено е Алијансата да и даде воена и одбранбена помош на секоја земја членка, доколку биде нападната од надвор.

Во текот на јули, Трамп ги видоизмени своите гледања, па порача дека САД ќе им помагаат на оние сојузнички земји, кои ќе ги исполнуваат обврските кон Вашингтон.

Официјален Вашингтон веќе подолг период врши притисок врз европските сојузници во НАТО да издвојуваат повеќе средства за одбраната.

Обама зборувал со новинарите пред заминувањето за Атина, која е прва етапа од неговата последна официјална посета во странство во својство на претседател на САД. Покрај Грција, тој ќе ја посети и Германија, каде се очекува да се сретне со лидерите на неколку европски земји и на Перу.

Американаките медиуми тврдат дека Обама ќе ја искористи оваа прилика за да ги смирува сојузниците во врска со доаѓањето на новата администрација во Вашингтон.

Слични написи

zagreb

Загреб: Извикувал „Зиг хајл“ и напаѓал луѓе со солзавец

Во центарот на Загреб се случи инцидент во кој полесно е повредено едно лице, јавуваат …