среда , 28 јуни 2017
besa1223

Беса: Ќе бидеме дел од разговорите за нова влада

Движењето Беса останува посветено во процесот на решавање на кризата и ќе биде дел од разговорите за формирање на новата влада, велат од партијата по повод доделувањето на мандатот за составување нова влада.

„Денеска, кога господинот Иванов го даде мандатот за да почнат разговорите за формирање на новата влада, Движењето Беса констатира дека благодарение и на нејзината посветеност, конечно се создаде можност за решавање на кризата. Денеска дојде до израз волјата на новото мнозинство во Собранието на Република Македонија и политичкиот фактор почна да работи во интерес на граѓаните кои се преморени од оваа политичка криза“, стои во соопштението на партијата.

Од Беса нагласуваат дека тие како партија не дозволиле „да се измислат работи кои не се предвидени со Уставот и со законите на земјата“ и на тој начин спречиле да се создадат преседани кои можеа да остават последици во иднина.

„Затоа, како и досега, Движењето Беса останува посветено во процесот на решавање на кризата, водејќи разговори за да го преземе својот дел од политичката одговорност“, нагласуваат од Беса.

Слични написи

zaev soopstenie

Премиерот Заев испрати честитка до новиот претседател на Р. Србија, Вучиќ

Премиерот на Република Македонија, Зоран Заев, испрати честитка за инаугурацијата на новиот претседател на Република …