недела , 22 октомври 2017
sreknideca-540x320

Денеска се одбележува Светскиот ден на детето

Денеска се одбележува Меѓународниот ден на детето – 20 Ноември. По тој повод ќе се одржи крводарителска акција во фоајето на Театар комедија, организирана во соработка со Црвен крст, како и хуманитарен настан „Сите сме суперхерои“ во Јавна соба, во организација на  Здружението на граѓани „Иновативни Мотиватори – ЈАС СУМ“, во соработка со Здружението за Дислексија „Ајнштајн“ и Центарот за младински активизам „КРИК“.

На хуманитарниот настан, меѓу другото, ќе биде поставена продажна изложба со дела на тема „Биди Суперхерој“, творени од дечиња на Креативна ликовна работилница, реализирана со помош на студенти од Факултетот за ликовна уметност и студенти по дефектологија. Средствата ќе бидат донирани за децата од Детската клиника во Скопје.

– И покрај огромниот напредок остварен за децата од донесувањето на Конвенцијата за правата на детето (КПД) во 1989 година, правата на милиони деца низ целиот свет секојдневно се повредуваат, истакнува УНИЦЕФ во соопштение по повод Меѓународниот ден на детето.

Канцеларијата на УНИЦЕФ посочува дека во Македонија по ратификацијата на Конвенцијата за правата на детето во 1991 година, помалку деца умираат пред својот петти роденден, повеќе деца имаат пристап до основно училиште и помалку деца живеат во институции. Сепак, се вели во соопштението, сè уште многу деца доживуваат лишување, стигма и општествена исклученост. Педесет и два отсто од сите деца на возраст од две до четиринаесет години биле жртви на физичко казнување во домот, соопштуваат од УНИЦЕФ.

И покрај значителниот напредок за децата на глобално ниво, наведуваат од УНИЦЕФ, во последните неколку децении, речиси шест милиони деца во светот сè уште умираат секоја година од причини што може да се спречат, а децата од сиромашните домаќинства имаат двапати поголеми шанси да починат пред петтиот роденден во споредба со децата од побогатите домови.

Слични написи

2-ALIMS-13ti-simpozium-2017-1024x986

Бекировски учествуваше на симпозиум во организација на Агенцијата за лекови и медицински средства на Србија

Стручниот тим на Агенцијата за лекови и медицински средства (МАЛМЕД), учествуваше на 13-тиот симпозиум во организација …