недела , 22 октомври 2017
centarzacivilnikomunikacii

Индекс на рационалност: Исти фирми, поскапи набавки и за 270 проценти

centarzacivilnikomunikaciiЦентарот за граѓански комуникации кој спроведува директен и сеопфатен мониторинг на јавните набавки во најновиот Индексот на рационалност, констатира огромни разлики во цените по кои се купувани авионска дезинсекција на комарци, системи за електронска евиденција на работното време, контејнери за отпад, собирање, транспорт и уништување на медицински отпад и пилешки стек.

Најголема разлика во тоа како се трошени јавните пари за исти услуги е евидентирана во набавката на системите за електронска евиденција на работно време, а најмала кај контејнерите за отпад.

prv1

 

Авионската дезинсекција на комарци ги чинела институциите од 176 до 606 денари за еден хектар, со што највисоката цена е за дури 244% повисока од најниската која е постигната за Град Скопје.

prvatabela1

 

Меѓутоа, Министерството за транспорт и врски плаќа многу повисок износ за општините со многу помала површина, како што е општината Чашка.

Во Индексот на Центарот за граѓански комуникации се наведува дека е нејасно врз која законска основа Министерството ја набавувала оваа услуга за шест општини-Охрид, Дојран, Ресен, Чешиново-Облешево, Крушево и Берово. Забележливо е дека има доминација на една фирма во истата набавка.

prvatabela14

 

Во сите постапки за набавка на оваа услуга понуда доставувал само по еден добавувач, а услугата ја нуделе само две фирми кои не си конкурирале меѓусебно. Од седум договори, во пет како добавува се јавува една иста фирма.

prvatabela12

 

Системите за електронска евиденција на работното време се купувани по цени кои се движат од 43.200 ден. до 160.000 ден. за еден систем, со што највисоката цена е за дури 270% повисока од најниската. ЈЗУ Специјална болница за белодробни заболувања и туберколоза “Јасеново“-Велес системот го платила 160.000 денари, а АД за осигурување со деловен простор во државна сопственост за само 43.200 денари.

prvatabela16

 

Контејнерите за отпад (метални 1,1 м3) се купувани по цени кои се движат од 12.383 до 18.502 денари, што значи дека највисоката цена е за 49% повисока од најниската.

prvatabela17

 

Собирањето, транспортот и уништувањето на медицински отпад ги чинело здравствените институции од 41 до 95 ден. за килограм, со што највисоката цена платена за оваа услуга е за 132% поголема од најниската цена. Дури 10 од 12 институции, ги склучиле договорите со една иста фирма.

jmv

 

Во однос на набавките на пилешки стек, забележлива е доминација на една фирма кај три детски градинки во Карпош кои се вклучени во Индексот на рационалност.

fhud

 

Цените по кои градинките го купиле стекот се највисоки и се постигнати во отсуство на конкуренција. Пилешкиот стек е купуван по цени кои се движеле од 172 до 315 ден. за килограм, со што највисоката цена е за 83% повисока од најниската.

jkld

 

Според табеларниот приказ на индексот на рационалност, просечна цена за еден килограм стек е 244 денари, што е на рангот на некои цени на малопродажба, но е нелогично ако се имаат предвид купените количини и помалите трошоци за продажба на големо.

Пример Службата за општи и заеднички работи на Владата купила најголемо количество на месо, а има натрпосечно висока цена.

 

Слични написи

2-ALIMS-13ti-simpozium-2017-1024x986

Бекировски учествуваше на симпозиум во организација на Агенцијата за лекови и медицински средства на Србија

Стручниот тим на Агенцијата за лекови и медицински средства (МАЛМЕД), учествуваше на 13-тиот симпозиум во организација …