вторник , 24 октомври 2017
LOGO

Изложба на Ниче и Љупка Василев во галеријата на МКЦ

Во галеријата на Младинскиот културен центар утре во 19.30 часот ќе биде отворена изложбата на Ниче Василев и неговата ќерка Љупка Галазка-Василев.

Ниче Василев е роден во Дабиле, Струмичко. Академија на ликовна уметност завршил во Варшава 1978 во класата на проф. Лудвик Мачонг. Во 1971/72 година студирал на Националната уметничка академија на Факултетот за применета уметност во Софија. Член е на ДЛУМ од 1980 год., живее и работи во Струмица, Македонија.

Реализирал над 30 самостојни изложби во Македонија и странство, меѓу кои во Скопје, Струмица, Битола, Штип, Гевгелија, Варшава, Атина, Софија, Анкара, Цирих, Мадрид, Белград и др.
Учествувал на повеќе групни изложби и ликовни колонии во Македонија, Бугарија, Србија…

Љупка Галазка-Василев е родена на 16.08.1979 год. во Струмица. Дипломирала на Националната ликовна академија во Софија, отсек текстил.

Живее и работи во Струмица како професор по ликовна уметност во средно училиште.

Слични написи

bela nik

„Бела ноќ“ во Скопје

Годинешново 13. издание на манифестацијата „Бела ноќ“, што  ќе се одржи утре, ќе има квалитетна …