недела , 20 август 2017
nato crno more

НАТО го зголемува своето присуство во Црното Море

Министрите за одбрана од земјите – членки на НАТО денеска одлучија да биде зголемено присуството на Алијансата во Црното Море, изјави на прес-конференција генералниот секретар на Пактот Јенс Столтенберг.

Одговарајќи на прашања, тој појасни дека поголемото присуство на НАТО ќе значи и поголем број воени вежби и други активности на сојузниците, јави бугарската новинска агенција БТА.

– Сето тоа е во согласност со меѓународните стандарди и обврски кои сме ги презеле. Одлуката има одбранбен карактер. На ниеден начин ова не цели кон предизвикување судири или затегнување на односите, туку тоа го налага актуелната ситуација, нагласи генералниот секретар.

– Не сакаме нова студена војна, сакаме дијалог со Русија заснован на принципи. Неопходно е почитување на територијалната целовитост на државите во Европа, истакна Столтенберг, дополнувајќи дека цел на Алијансата се поконструктивни односи со Москва.

Генералниот секретар ја оквалификува вчерашната изјава на министерот за одбрана на САД Џејмс Матис за зголемувањето на воените трошоци во Алијансата како „цврсто порака” што сите други министри ја разбрале и поддржале.

– Американските даночни обврзници веќе не можат да даваат нерамномерен удел во одбрана на западните вредности, им порача вчера Матис на колегите во седиштето на НАТО во Брисел.

Тој наведе дека САД ќе ги исполнат своите обврски, но сојузниците од НАТО мора да дадат поддршка за заедничката одбрана „доколку не сакаат САД да ја намали својата посветеност на Алијансата“.

– Оваа порака ја одразува политичката реалност во САД, истакна Столтенберг. Членот 5 од Вашингтонскиот договор е безусловен, тој е суштината на Алијансата, додаде генералниот секретар.

Столтенберг говореше и за мерките на кибер заштита во државите од Алијансата. Тој појасни дека министрите за одбрана утрово донеле решенија за дополнително зајакнување на кибер заштитата на земјите од Пактот и на Силите за брза реакција.

Што се однесува на распоредувањето војска во Полска, Столтенберг потенцираше дека испраќањето на НАТО војници во оваа и во балтичките држави е „јасен знак кон секој потенцијален агресор”.

– Нема да се натпреваруваме со Русија – тенк против тенк и војник против војник. Целта не е да провоцираме, туку да спречиме конфликт, појасни генералниот секретар на Алијансата.

Слични написи

timthumb (31)

Уапсен бизнисменот Бенџамин Штајнмец

Милијардерот Бенџамин Штајнмец, кој е сопственик на низа компании во земји на Балканот, меѓу кои …