петок , 18 август 2017
Obedineta mladina za makedonija

Обединета Младина за Македонија: Поддршка за децата со посебни потреби

„Обединета Младина за Македонија јавно ги поддржува децата со посебни потреби кои како категорија на граѓани во Р.Македонија се потполно запоставени и не им се овозможени апсолутно никакви услови со кои барем за момент би се почувствувале како дел од ова општество.

Тие деца имаат во целост права како и сите останати во оваа држава, тие не се никакво чудо или нешто необично, тие се луѓе од крв и месо и заслужуваат услови какво што им приличат. Односно треба да уживаат услови кои ги има во секоја нормална држава каде граѓаните претставуваат една целина и каде не се врши поделба и дискриминација на истите.

Мисијата е едноставна и треба да им служи на сите деца со посебни потреби и нивните семејства преку обезбедување на поддршка, помош, пристап до информации, обезбедување и остварување на нивните права и овластувања во сите сегменти на животот.

Процесот мора системски и интегрирано да се решава со заедничка соработка со Министерствата за труд и социјална политика за образование, општините, училиштата, родителите, што ќе овозможи квалитетен живот од најрана возраст, се до вработувањето кога се вклучува бизнис – заедницата.

Се надеваме на брзо превземање на мерки и реализација на истите со цел да им се помогне на овие лица кои се подеднакви жители на ова поднебје како и сите останати“, се вели во соопштението на Обединета Младина за Македонија.

Слични написи

Barselona-napad-2

Македонски државјанин повреден во нападот во Барселона, потврди МНР

Македонски државјанин е повреден во терористичките напади што вчера се случија во Барселона. Како што …