вторник , 26 септември 2017
vrnezlivo

Облачно со дожд и ветер

vrnezlivo
Облачно време со врнежи од дожд и слаб југоисточен ветер ќе преовладува денеска во Македонија.

Претпладне врнежите ќе бидат позастапени во западниот дел од државата, а во попладневните часови врнежите со слаб и умерен интензитет ќе се прошират насекаде.

Утринската температура ќе се движи од 7 со 14, а дневната од 16 до 23 степени.

Врнежите ќе продолжат и преку ноќта кога на повеќе места се очекува да наврнат над 20 литри на метар квадратен.

Во Скопје претпладне ќе биде облачно со услови за краткотраен дожд, а од попладневните часови ќе има слаб до умерен дожд и ќе дува североисточен ветер. Утринската температура ќе се спушти до 12, а дневната ќе се искачи до 19 степени.

До крајот на продолжениот празничен викенд Македонија ќе биде под влијание на неколку влажни воздушни бранови од Медитеранот. Времето ќе биде претежно облачно и свежо со повремени врнежи од дожд кои локално ќе бидат пообилни, особено на југ каде што ќе бидат проследени и со ретки грмежи.

Слични написи

blokator

Блокатори за мобилни телефони во Идризово

Блокатори за мобилни телефони се поставуваат во истражниот затвор во Шуто Оризари кога од фејсбук-профилот …