вторник , 26 септември 2017
veleskapitijada

Пита пастрмајлија од 3,5 метри на „Велешка питијада 2015“

veleskapitijada
Пита пастрмајлија долга 3,5 метри е подготвена на 5. „Велешка питијада 2015“. Според организаторите, за една вечер на 37-те штанда на питијадата биле продадени 10.200 велешки пити пастрмајлии и 3.150 литри македонски вина.

Џиновската пита и годинава, како и лани, ја направија  мајсторите од пекара „Којник“ Александар Миладиновски, Аце Брлев, Орце Димовски и Сашко Стојков. Лани питата  беше 3 метри и 20 сантиметри, а е подолга, 3,5 метри. За нејзина подготовка биле потребни 5 часа, а за печење во фурната на дрва еден и пол час. Употребени  се 22 килограми тесто, 21 килограм свинско месо, пастрма и 200 јајца.

– Самото печење е тајна на нашата пекара „Којник“, а ние се трудиме да не загори и била вкусна за јадење според древниот рецепт на нашите претци стар скоро 150 години. Догодина планираме питата пастрмајлија да биде долга 4 метри,најави Миладиновски.

Собраните средства од продажбата на питата пастрмајлија  во касата на Општинската Организација на Црвен крст ќе бидат наменети за хуманитарна цел и помош на некое велешко семејство, информира велешкиот градоначалник Славчо Чадиев.

Слични написи

blokator

Блокатори за мобилни телефони во Идризово

Блокатори за мобилни телефони се поставуваат во истражниот затвор во Шуто Оризари кога од фејсбук-профилот …