четврток , 29 јуни 2017
cernodrinski

Промовирана книга и изведба на три претстави на МТФ „Војдан Чернодрински“

Во Домот на културата „Марко Цепенков“ денеска во рамки на 52. Меѓународен театарски фестивал „Војдан Чернодрински“ беше промовирана книгата „Мојот театар – вистини, записи, сведошта, сеќавања – четврта книга“ од театрологот Ристо Стефановски.

Според Братислав Димитров, кој говореше за книгата, најновото остварување на Стефановски ги сецира театарските премрежја на македонскиот театар.

– Стефановски е феномен во светски размери. Како никој пред и никој после него, тој успеал да создаде одличен театар во три различни општествени системи и во три сосема различни театри. Ристо Стефановски речиси 70 години секојдневно, детално пишува театарски дневник. Со прецизност на рентген-техничар тој го снима театарскиот живот со сите негови подеми, падови, дилеми, сплетки, приватни и професионални предавства од најблиските соработници. Жанрот на неговите книги е документарна проза, со елементи на трилер и полемички дух, кој ги демифистицира лажните вредности, сведувајќи ги на вистинска мерка, рече Димитров.

На програмата на фестивалот, којшто се одржува од 9 до 16 јуни, вечерва се три претстави од кои две во официјална конкуренција. Од 19:30 часот Албанскиот театар во конкуренција за награди ќе ја изведе претставата „Плавиот-кучето“ од Мурат Џан Кибиролу, во режија Али Волкан Четинкаја, а од 22 часот ансамблот од Кумановскиот театар ќе ја изведе „Хај-фај“ од Горан Стефановски во режија на Јани Бојаџи. На полноќ на сцената на Домот на културата, како придружна програма е испитната претстава на студентите од втора година од класата на Мето Јовановски од Универзитетот за аудиовизуелни уметности ЕСРА.

Слични написи

соф

Објавена програмата за „Струмица опен фест 2017“

Организаторите на манифестацијата „Струмица опен фест 2017“ ја објавија овогодинешната програма за шестото издание што …