вторник , 26 септември 2017
sudenje-Puch

„Пуч“ веќе цела недела е на бирото на Катица Јанева

sudenje-Puch
Специјалната јавна обвинителка, Катица Јанева, го добила материјалот за предметот „Пуч“ од јавниот обвинител што го водеше случајот и отсега тој е во нејзина надлежност, изјави за „Мета“ адвокатот на одбраната, Ангеле Илиевски.

Според Илиевски, тој и неговите колеги, како адвокати на одбраната, сè уште не добиле официјално известување од специјлната обвинителка, но Јанева пред околу една недела дена го примила предметот за „Пуч“.

– Сега специјалната обвинителка, по нејзиното назначување, е надлежна за сè понатаму што се однесува на обвинителската работа за случајот „Пуч“. Таа веќе, пред околу една недела, го примила предметот „Пуч“ – вели адвокатот Илиевски за „Мета“.

Како што вели тој, Јанева, меѓу другото, отсега ќе треба да се изјаснува и околу притворот на Зоран Верушевски и на Ѓорѓи Лазаревски, односно да поднесе барање до судот за прекинување, замена со поблага мерка за обезбедување или, пак, повторно продолжување. Истото се однесува и на мерките што им се одредени на другите обвинети.

Слични написи

blokator

Блокатори за мобилни телефони во Идризово

Блокатори за мобилни телефони се поставуваат во истражниот затвор во Шуто Оризари кога од фејсбук-профилот …