петок , 22 септември 2017
izjavamargot

Шведска застанува зад Талат Џафери, бара итно формирање нова влада и казна за насилниците

Шведската влада преку изјава на министерката за надворешни работи, Маргот Валстром бара итно формирање на нова влада од парламентарното мнозинство и казнување на сите насилници кои физички ги нападнаа пратениците и медиумските работници.

izjavamargot

– Новоизбраниот претседател на Парламентот во Македонија мора да се почитува. Претседателот беше избран од страна на парламентарното мнозинство и јас со нетрпение очекувам да соработувам со него. Шведска силно ги осудува шокантните акти на насилство кои следеа по неговиот избор во четвртокот. Ова е целосно неприфатливо за една демократија и одговорните лица треба да бидат изведени пред лицето на правдата, стои во официјалната изјава на министерката за надворешни работи Маргот Валстром, поставена на сајтот на шведската влада.

Следниот чекор сега е да се формира нова влада што е можно побрзо во Македонија, каде предвремени парламентарни избори се одржаа кон средината на декември.

Вратата на ЕУ е отворена за сите земји од Западен Балкан, вклучувајќи ја и Македонија. Потребни се итни реформи во земјата и не треба да има пречки за мнозинство во парламентот да формира нова влада, пишува во изјавата на Валстром.

Слични написи

шамија

Омбудсман: На девојчињата во Охрид да им се дозволи со шамија да ја следат наставата

Народниот правобранител најостро ја осудува постапката на Министерството за образование, кое со испратениот допис  му …