среда , 20 септември 2017
sugareski16_g

Средба на министерот Сугарески со претставници од ЕБОР

Министерот за транспорт и врски Горан Сугарески денеска оствари работна средба со Анка Јоана Јонеску, директор на Канцеларијата на Европската банка за обнова и развој во Република Македонија.

На средбата се разговараше за поддршката на Европската банка за обнова и развој во делот на инфраструктурните проекти што се реализираат во Република Македонија.

Министерот Сугарески се заблагодари за досегашната соработка, нагласувајќи ја важноста од поддшката што ја овозможува ЕБОР за реализација на капиталните проекти, притоа изрази целосна подготвеност за продолжување на таквата соработка и во наредниот период.

“На Европската банка за обнова и развој гледаме како еден сериозен партнер во реализација на проектите во инфраструктура што ги ветивме пред граѓаните. Имаме интерес таа соработка да продолжи и во наредниот период”, рече министерот за транспорт и врски, Горан Сугарески.

И двајцата соговорници изразија задоволство од оддржаната средба и се согласија на продлабочување на досегашната соработка.

Слични написи

шамија

Омбудсман: На девојчињата во Охрид да им се дозволи со шамија да ја следат наставата

Народниот правобранител најостро ја осудува постапката на Министерството за образование, кое со испратениот допис  му …