сабота , 21 октомври 2017
dinamo

Цвитановиќ го наследува Петев на тренерското место во Динамо

Динамо Загреб на два дена пред почетокот на хрватскиот шампионат го отпушти тренерот Ивајло Петев и го назначи Марио Цвитановиќ за негов наследник.

Претседателот на Динамо Здравко Мамиќ му врачи отказ на бугарскиот стручњак поради лоша работа на подготовките и лоша атмосфера во соблекувалната, бидејќи практично Петев не зборува со клучните фудбалери, Самир, Чориќ и Фернандес.

Тренерот од Бугарија ќе добие обештетување за предвремен раскин на договорот кој му истекуваше во 2020 година и имаше годишна плата од 250.000 евра.

Петев минатиот септември пристигна во Загреб, го предводеше тимот во групната фаза на Лигата на шампионите без освоен бод и без даден гол.

На домашна сцена Динамо остана без трофеите во првенството и купот, откако Ријека е нов носител на „двојната круна“ во Хрватска.

Слични написи

iniesta

Иниеста потпиша доживотен договор со Барселона

Андрес Иниеста потпиша уникатен договор со Барселона, кој има доживотна важност. Ова е посебен начин …