четврток , 29 јуни 2017
grmotevici

УХМР: Од попладне пороен дожд и грмежи, а во одредени места и невреме

Времето денеска ќе биде сончево и топло со слаб ветер од променлив правец, додека попладне и во вечерните часови ќе има развој на нестабилна облачност со локален пороен дожд и грмежи. На места е можна појава на невреме со пообилен пороен дожд, засилен ветер и град. Максималната температура ќе биде во интервал од 27 до 35 степени, соопшти УХМР.

Во Скопје времето е малку до умерено облачно, а попладне со краткотраен пороен дожд и грмежи. Температурата ќе достигне до 32 степен.

Најмногу дожд во изминатите 24 часа наврнале во Тетово 5 литри на метар квадратен.

Утре ќе преовладува нестабилно облачно време со пороен дожд и грмежи. Локално процесите ќе бидат поинтензивни во форма на невреме со обилен пороен дожд, електрични празнења, засилен ветер и град. Се очекува на места да наврнат над 35 л/м2 дожд.

И во недела попладне на повеќе места ќе биде нестабилно со пороен дожд и грмежи, додека во првите денови од наредната недела во попладневните часови ќе има изолирана појава на нестабилност, која повеќе ќе биде застапена во планинските подрачја.

Слични написи

sjo novi

Утре прес на СЈО

Утре во 12 часот Специјалното јавно обвинителство ќе одржи прес – конференција. Во најавата за …