среда , 20 септември 2017
grad dozd

УХМР: Попладне ќе има услови за локално невреме со појава на град

УХМР најавува дека од денеска попладне ќе има услови за локално невреме со појава на град и засилен ветер.

Според УХМР, до сабота подрачјето на Македонија ќе биде под влијание на неколку влажни воздушни бранови, па времето претежно во попладневните часови ќе биде променливо облачно и нестабилно со поројни врнежи од дожд и грмежи.

Утре ќе биде претежно облачно преку целиот ден и се очекуваат пообилни врнежи дожд, особено во јужните делови. На места, вкупните количества може да надминат 45 литри на метар квадратен.

Во петок и сабота врнежите ќе бидат полокализирани и ќе се повеќе кон исток, а и ќе дува повремено засилен северен ветер. Температурата кон викендот ќе биде во благ пораст.

Слични написи

шамија

Омбудсман: На девојчињата во Охрид да им се дозволи со шамија да ја следат наставата

Народниот правобранител најостро ја осудува постапката на Министерството за образование, кое со испратениот допис  му …