сабота , 21 октомври 2017
wolt street

Волстрит: Дау Џонс деветти ден по ред со рекордна вредност

На Волстрит вчера Дау Џонс достигна рекордна вредност деветти ден по ред, а зајакнаа и останатите индекси благодарение на растот на цените на акциите во технолошкиот и потрошувачкиот сектор.

Дау Џонс зајакна 0,12 бодови, на 22,118 бодови, додека S&P500 се зголеми за 0,16 отсто на 2.480 бодови, а Насдак индексот 0,51 отсто на 6.383 бодови.

Најмногу вчера за 0,7 отсто пораснаа цените на акциите во потрошувачкиот сектор бидејќи инвеститорите се надеваат дека трговските синџири ќе објават добри квартални бизнис резултати.

Со раст од 0,6 отсто следува технолошкиот сектор додека најмногу намалување е регистрирано, просечно за 0,9 отсто, кај акциите во енергетскиот сектор што е последица на намалувањето на цената на нафтата.

Најголема поддршка за пазарите даваат кварталните бизнис резултати на компаниите што се подобри отколку што се очекувало, јавуваат американски медиуми.

Од почетокот на сезоната на објавување бизнис извештаи, за резултатите соопштиле 2/3 од компаниите од составот S&P500 индексот, при што 72 отсто надминале очекувања што е повеќе отколку просечните 64 отсто во квартал.

Слични написи

moneti

НБРМ пушти во оптек нови ковани пари за колекционерски цели

Народната банка информира дека се пуштени во оптек кованите пари за колекционерски цели „Година на …