недела , 22 октомври 2017
soncevo-vreme_20147192625

Времето денеска топло и стабилно со слаб ветер

Во Македонија денеска ќе преовладува сончево време, со слаб до умерен ветер од северен правец, вели прогнозата на Управата за хидрометеоролошки работи на Македонија (УХМР). УВ-индексот ќе биде 9.

Температурата денеска ќе биде, во просек, за 2 до 3 Целзиусови степени повисока од вчера, па најниската температура што ќе биде забележана во дневниот просек е 23 степени на крајниот запад на земјава, додека на крајниот исток ќе се движи околу 26 Целзиусови степени.

Во Охридско-струшкиот Регион максималната температура што се очекува ќе биде 28 степени, во Пелагонија 30 степени, а еден степен повисока максимална температура се предвидува за Скопје.

Во централните делови на Македонија температурата ќе се движи околу 33 степени, а највисоката денеска ќе биде на крајниот југоисток на земјава, со 34 Целзиусови степени.

И во наредните денови ќе имаме сончево време со мала до умерена облачност. Дневната температура ќе биде во постепен пораст, вели прогнозата на УХМР.

Слични написи

2-ALIMS-13ti-simpozium-2017-1024x986

Бекировски учествуваше на симпозиум во организација на Агенцијата за лекови и медицински средства на Србија

Стручниот тим на Агенцијата за лекови и медицински средства (МАЛМЕД), учествуваше на 13-тиот симпозиум во организација …