среда , 18 октомври 2017
IMG_6072-640x320

Заев: Членството во НАТО и ЕУ немаат алтернатива

IMG_6072-640x320Претседателот на СДСМ, Зоран Заев, денеска се сретна со делгација предводена од Јоханес Корнелис ван Бален, европратеник и почесен Претседател на Либералната интернационала во Лондон.

IMG_6034

На средбата, претставници на Алијансата на либерали и демократи за Европа (АЛДЕ група), којашто е дел од Европскиот парламент, изразија силна поддршка на процесот којшто го започна опозицијата во Македонија за нормализација на државните институции. Процес којшто треба да доведе до спроведување на фер и демократски избори во април, 2016 година и враќање на демократските и европските вредности во земјава.

Поддршката од социјалистите и социјалдемократите во Европскиот парламент за опозицијата предводена од СДСМ постојано се зголемува, сега со поддршка и од групата на либерали и демократи.

IMG_6053

Улогата на Европската унија и европските институции во разрешувањето на политичката криза во Република Македонија заеднички беше позитивно оценета. Во таа насока, се договори понатамошен ангажман на Европскиот парламент во однос на имплементација на договорот од 2-ри јуни/15-ти јули.

Претседателот Зоран Заев се заблагодари на силната поддршка и порача дека СДСМ и опозицијата ќе продолжат со искрен пристап и принципиелни заложби за да се постигнат решенија по критичните области посочени во Извештајот на Прибе, меѓу коишто се судството, медиумите и департизација на институциите.

IMG_6056

„За СДСМ и опозицијата, членството во НАТО и ЕУ немаат алтернатива. Иднината на Република Македонија е во градењето вистинско граѓанско демократско општество и заеднички, со граѓаните, ќе изградиме такво општество по изборите во април, наредната година.“ рече Претседателот на СДСМ, Зоран Заев.

Слични написи

ilija jovanoski glasanje

Јованоски: Повикувам на фер,мирни и демократски избори

Кандидатот за градоначалник Илија Јованоски повика на фер, мирни и демократски избори.