вторник , 26 септември 2017
zaev so mobilnost

Заев со лицата со телесен инвалидитет на традиционалната Тортијада во Банско

zaev so mobilnost
Градоначалникот на општина Струмица, Зоран Заев, ја посети традиционалната манифестација „Тортијада“ што се одржува во хотелот „Цар Самуил“ во Банско, во организација на здружението на лицата со телесен инвалидитет „Мобилност“.

Оваа манифестација се одржува 18 години, а на неа присуствуваат лицата со телесен инвалидитет од 11 градови во Македонија. Тие на Заев му врачија и благодарница за континуираната поддршка на сите нивни активности.

– Ве поздравувам од мое и од името на советниците кои вечерва се овде со мене, а можам да ве поздравам и од амбасадорот Орав, и од Хан, и од Бејли, заради тоа што ние политичарите, најверојатно ја преокупираме целата наша македонска јавност, но секако и во овој период посветен на преговори, јас нема да дозволам ниту една тортијада да испуштам, традиционално, секогаш сум присутен овде, заради тоа што ова е богатство кое што вие го негувате долги години. Ја имам честа да ја водам оваа прекрасна општина Струмица која традиционално е врзана за оваа тортијада и навистина како прв човек на општината домаќин, секоја година сум радосен што оваа манифестација може да расте и да се унапредува, која ни носи нови пријателства кои засекогаш остануваат во нашата меморија, а кои ни го збогатуваат нашиот живот. Само можам да ви кажам дека како ваш пријател, по она што претставува преокупација за нашата Македонија, ќе направиме се што е во наша моќ, нашата земја да ја направиме перспективно катче, достојно за живот подеднакво за сите граѓани. – рече градоначалникот Заев.

На 18-та Тортијада, жири комисијата за најубава ја прогласи тортата на здружението од Штип, а второто и третото место ги освоија здруженијата од Битола и Кочани.

Слични написи

blokator

Блокатори за мобилни телефони во Идризово

Блокатори за мобилни телефони се поставуваат во истражниот затвор во Шуто Оризари кога од фејсбук-профилот …