петок , 22 септември 2017
g20

Земјите од Г-20 се согласни за опасноста од протекционизмот

САД и другите големи економии од Г-20 ги надминаа несогласувањата за трговијата и се согласија за опасноста од протекционизмот.

Тоа се случи на состанокот во Вашингтон на министрите за финансии на земјите од групата, одржан на маргините на пролетните сесии на Меѓународниот монетарен фонд и Светската банка.

Државите од Г-20 не усвоија заедничка декларација, но го изразија својот став преку германскиот министер за финансии Волфганг Шојбле, чија земја е ротациски претседател на Групата, оваа година.

– Протекционизмот би бил штетен за светската економија и за засегнатите економии. На средбата имаше широк консензус по тоа прашање, рече Шојбле на прес-конференција.

Тој нагласи дека 20-те најразвиени земји и земјите кои бележат исклучителен стопански развој се обединиле околу ставот дека слободната трговија е најдобра како за глобалната економија, така и за секоја држава поединечно.

Слични написи

hakerski napadi

Хакерски упад во безбедносниот софтвер CCleaner зарази 2 милиони компјутери

Повеќе од 2 милиони луѓе кои го спуштиле безбедносниот софтвер CCleaner ги заразиле своите компјутери …